Ish-deputeti socialist, Alqi Bllako ka dëshmuar në sallën e gjyqit dhe ka mohuar akuzat që rëndojnë ndaj tij.
Në dëshminë e tij në Gjykatën e Posaçme, për çështjen e inceneratorëve, ai ka mohuar akuzat, duke theksuar se është i pafajshëm dhe se të gjitha shkresat i ka trajtuar sipas ligjit.
“Jam i pafajshëm. Në cilësinë e sekretarit të përgjithshëm të ministrisë nuk kam pasur rol në zgjedhjen e anëtarëve të Komisionit të Vlerësimit të Ofertave. Kam pasur rolin e zyrtarit që kryente vetëm shkresa përcjellëse mes institucioneve,”- ka thënë Bllako.
Alqi Bllako u vetëdorëzua në polici më 1 prill të vitit 2022, pasi Gjykata e Posaçme caktoi më parë masën e “arrestit me burg” pas hetimit për kontratën koncesionare të Fierit me një vlerë të përllogaritur në 28 milionë euro.
