Kanë nisur kontrollet e befasishme në liqenin e Komanit për të rritur sigurinë e jetës së turistëve dhe vizitorëve.
Nëpërmjet operacionit policor i koduar “Komani”, janë bllokuar 5 varka artizanale dhe janë ndëshkuar me masë administrative nga 10 000 lekë të reja, drejtuesit e tyre në liqenin e Komanit.
Gjithashtu është bllokuar dhe një traget në pronësi të shtetasit Gj. G. Është konstatuar se në kalatën e liqenit të Komanit, ky traget ishte i paregjistruar në organet tatimore, kishte punonjës të paregjistruar, si dhe mungonte leja e drejtimit për guidimin e tij.
Pronari 53-vjeçar i këtij trageti, banues në në Shtoj i Ri në Shkodër po hetohet për veprat penale “fshehja e të ardhurave”, “mospagimi i taksave dhe tatimeve” dhe “punësimi i paligjshëm”.
Operacioni “Komani”, për kontrollin e mjeteve lundruese, turistike dhe argëtuese, për sigurinë e turistëve dhe vizitorëve në liqenin e Komanit, vijon.
