Tre persona janë proceduar penalisht, pasi ditën e djeshme bllokuan aksin rrugor Elbasan-Librazhd.
Mësohet se shtetasit L.B., 50 vjeç, B.H., 58 vjeç dhe J.Xh., 46 vjeç, banues në Elbasan kanë penguar qarkullimin e mjeteve dhe kanë hequr barrierat e rrugës të vendosur nga ARRSH-ja, si dhe i kanë dëmtuar ato.
Ditën e djeshme banorët bllokuan në formë proteste aksin Librazhd-Elbasan dhe kërkuan zgjidhje qoftë me një mbikalim apo nënkalim, pasi barrierat e vendosura nga ARRSH i detyrojnë ata që të ecin 4 km për të shkuar në qytet.
Njoftimi i policisë:
Drejtoria Vendore e Policisë Elbasan.
Në vijim të punës hetimore për zbulimin dhe vënien përpara përgjegjësisë ligjore të autorëve të zjarrvënieve, specialistët për Hetimin e Krimit në Komisariatin e Policisë Cërrik, proceduan penalisht në gjendje të lirë shtetasen:
L.P., banuese në fshatin Shalës, Cërrik, pasi dyshohet se në fshatin Shalës, ka djegur disa barishte në pronën e saj dhe pasi zjarri ka dalë jashtë kontrollit është djegur një sipërfaqe toke me pemë frutore dhe ullinj, në pronësi të shtetasit Y.L.
Matrialet hetimore i kaluan Prokurorisë pranë Gjykatës së Shkallës Parë Elbasan, për veprën penale “Shkatërrimi i pronës me zjarr”.
Nga specialistët për Hetimin e Krimit në Komisariatin e Policisë Elbasan, u proceduan penalisht në gjendje të lirë shtetasit: L.B., 50 vjeç, B.H., 58 vjeç dhe J.Xh., 46 vjeç, banues në Elbasan, pasi këto shtetasit në aksin rrugor Elbasan-Librazhd, kanë penguar qarkullimin e mjeteve dhe kanë hequr barrjerat e rrugës të vendosur nga ARRSH-ja, duke i dëmtuar ato.
Vijon puna për identifikimin e shtetasve të tjerë të përfshirë në këtë organizim të paligjshëm.
Matrialet hetimore i kaluan Prokurorisë pranë Gjykatës së Shkallës Parë Elbasan, për veprat penale “Shkatërrimi i pronës” dhe “Pengimi i qarkullimit të mjeteve të transportit”.
