Diçka krejt e pazakontë ka ndodhur të shtunën mbrëma në kryeqytetin e Çekisë, Pragë. Boksieri nga Azerbajxhani, Makhmud Muradov, ka festuar titullin ndërkombëtar në “MMA” me shqiponjë, pas fitores kundër kampionit çek në “VKN”, Tomash Kuzhela, ndeshje e cila zgjati tri raunde. Pas përfundimit të ndeshjes, ndërsa Muradovit po i jepej“gjerdani i artë” në dorën e tij të majtë, ai mbante edhe flamurin kuqezi. Këtë flamur ia ka dhënë kumanovari Bashkim Qazimi, i cili është edhe sponsori i Muradovit. Një gjë të tillë e dëshmon edhe videoja e publikuar.