Futbollisti Rocco Vata ka tërhequr interesin e klubit italian të Bologna.

Djali i ish-kapitenit të kombëtares, Rudi Vatës, ka spikatur me ekipin e të rinjve të Celtic, dhe në disa ndeshje është grumbulluar edhe me ekipin e parë.

“Bologna është e interesuar për talentin 18-vjeçar të Celtic, Rocco Vata, si një mundësi e mundshme për afatin kalimtar të janarit. Bisedimet pritet të zhvillohen së shpejti dhe të tjera do të pasojnë pasi interesi për talentin irlandez tani po rritet”, shkruan eksperti i merkatos​ Fabrizio Romano për talentin shqiptar të lindur në Glasgou..

Rocco Vata deri tani ka luajtur me kombëtaret e moshave të Irelandës dhe aktualisht është pjesë e U21.