Luftime të ashpra zhvillohen në Kharkiv, qyteti i dytë më i madh në Ukrainë. Në pamjet e publikuara në Twitter, duken sulmet me raketa dhe bombardime në këtë qytet.

Sipas mediave ndërkombëtare, duket se rusët po përpiqen me çdo kusht për të marrë Kharkivin. Bombardimet janë kryer edhe në zona të populluara.

Dhjetra persona janë vrarë nga sulmet me raketa në këtë qytet. Por shifra të sakta nuk ka ende për shkak të zhvillimeve dhe luftimeve të ashpra.

Ushtria e Ukrainës thotë se ka kontroll të plotë të qytetit, pavarësisht sulmeve me raketa dhe shkatërrimit të një tubacioni gazi në Kharkiv.