Sipas parashikimit të Institutit të Gjeoshkencave, Energjisë, Ujit dhe Mjedisit, temperatura në vend do të vijojë të jetë e ulët ndërsa reshjet e dëborës do të bien vetëm në zonat malorë dhe do të jenë të dobëta.
RESHJET
Sot pasdite (e diel dt.06) dhe nesër (e hënë dt.07) priten reshje lokale të dobëta në zonat malore në shumicën e qarqeve (siç tregohet në tabelë, respektivisht për secilin qark). Ato do të jenë në formë dëbore.
TEMPERATURAT
Ato do të mbeten të ulëta për shkak të masave ajrore arktike, të cilat pritet të qëndrojnë në rajonin tonë deri ditën e martë (dt.08). Kjo do të sjellë ngrica gjatë natës në të gjithë vendin, ndërsa në vendet malore do të ketë ngrica edhe gjatë ditës.
Më konkretisht, nesër (e hënë dt.07) temperaturat minimale dhe maksimale të ajrit pritet të arrijnë:
në bregdet: -1 / 7 °C
në vendet e ulëta: -3 / 4 °C
në vendet malore: -12 / -4 °C
ERA
Sot pasdite (e diel dt.06) pritet të fryjë e lehtë, ndërsa nesër (e hënë dt.07) mesatare deri e fortë.
