Zonat malore të vendit janë zbardhur nga dëbora. Mjetet borëpastruese ndodhen në terren, në akset Kukës-Shishtavec, Bogë-Theth, Tamarë-Vermosh, Korçë-Dardhë.
Kryeministri Edi Rama, në një postim në Facebook, këshillon drejtuesit e mjeteve të pajisen me goma dimërore dhe zinxhirë, kur të udhëtojnë. Gjithashtu të ulin shpejtësinë dhe të respektojnë udhëzimet e policisë, për të shmangur aksidentet.
“Drejtuesit e mjeteve të pajisen me goma dimërore dhe zinxhirë kur udhëtojnë për në segmentet e mësipërme që janë me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore”, shkruan Rama, ndërsa ka ndarë edhe disa foto me borë të disa akseve rrugore.
