Italia ka shënuar një ulje të numrit të personave që humbën betejën me COVID-19 në 24 orët e fundit. Sipas Mbrojtjes Civile, në shtetin fqinj u regjistruan 12 viktima në 24 orët e fundit. Një ditë më parë ishin 15 të vdekur dhe të martën 30.
Të infektuarit e rinj janë 229 persona, pjesa më e madhe e të cilëve banojnë në Lombardi 119 të prekur.
Që nga nisja e pandemisë në Itali kanë humbur jetën 34.926 persona, ndërsa të infektuarit janë mbi 240 mijë. Të shëruar në 24 orët e fundit janë 338 persona.
