Kryeministri Edi Rama ka zgjedhur të ulet në tryezën e një familjeje nga Laçi për drekën e festës së Krishtlindjes.
Me byrek, mish, sallatë dhe verë, Rama është ulur të hajë bashkë me familjen në Gjorm të Laçit, e cila provizorisht është strehuar në një çadër pas dëmeve që u pësoi banesa nga tërmeti i 26 nëntorit.
Në biseda e sipër, kryefamiljari ka filluar të prezantojë fëmijët e tij para kryeministrit dhe për njërën nga vajzat tregon se ia ka ‘djegur’ ai shkollën pasi e ka fejuar shumë të vogël.
Pjesë nga biseda
Burri: Kësaj ia kam djegur unë shkollën…E fejova që 15-vjeç, sa mbaroi klasën e tetë dhe e fejova…kam gjet anej në Itali.
Rama: Aaaa
Burri: Popo, ia kam djeg unë gocës…Tashi ai ka ra në burg në Itali. E pret tash e tre vjet…
Rama: Po mirë, i ka jeta këto…e paske gjet fiks…
