Deputeti Oerd Bylykbashi ka reaguar pasi deputetet e Aleancës së Grave të PS kërkuan përjashtimin e Berishës. Bylybashi tha se po përdoren si çetë, ndërkohë kryeparlamentarja Lindita Nikolla i ndërpreu fjalën.
Bylykbashi: Juve do mbaheni mend si drejtuesja e kuvendit që ka shkelur në mënyrën më brutale Kushtetutën dhe rregullat e Kuvendit. Ajo që është për turp sot është që gratë po përdoren si çetë për të vrarë të drejtën kushtetuese e të çdo deputeti.
Nikolla: Të heq fjalën, s’ke të drejtë të ofendosh zonjat e nderuara. Të të vijë turp dhe të kërkosh ndjesë. S’të lejoj më të flasësh.
Berisha për videot dhe mesazhet erotike
Kryetari i Partisë Demokratike Sali Berisha ka folur sërish për mesazhet erotike të mbërritura në celularin e tij, duke ju referuar McGonigal dhe ministrave të qeverisë.
Duke ju përgjigjur deputetes Blerina Gjylameti që i kërkoi Berishës të nxjerrë videot ose të kërkojë ndjesë, kreu i PD tha:
“Kemi të bëjmë me një agjent shumë të rrezikshëm, një tradhtar të SHBA, një armik të egër të opozitës dhe demokracisë shqiptare. Në këtë rast, çdo dokument që unë disponoj dhe do të disponoj, do ti dorëzoj në organet kompetente hetimore.
Por përsëri kureshtjen tuaj për skena dhe për gjëra, mos kujtoni se ua plotësoj unë, kurrë. Unë kam një censurë të plotë për çdo video, mesazhi erotik që vjen për t’u publikuar, nuk ndodh ajo.
Po ku shkoi ajo. Pse çfarë mendon ti, se do të them unë fjalët që thotë kryetari jot, mos e prit atë ndonjëherë. Jam Sali Berisha unë, nuk jam Edi Rama që ndal gratë sa herë shkon në fushatë elektorale. Nuk e bëj unë atë.
Nuk jam unë, ai që e di se ç’heqin ministret në mbledhjet e qeverisë me fjalorin prej rrugaçi që përdor dhe fjalorin. Kurrë mos i kërko tek unë.
Jam i detyruar të respektoj, pavarësisht se e dua apo nuk e dua, unë nuk mund të fyej publikisht një grua. Nuk dëgjova asnjë, përmenda emra unë aty. Asnjë emër. Po pse u djeg kjo gjë. Çfarë ndodh me këtë. Pse me këtë kërkoni të mbuloni ju marrëdhënien sekrete të Edi Ramës me McGonigal. Nuk mbulohet me këto. Është e turpshme.
Jeni jashtëzakonisht të keqorientuara.”?
