Ish-kryeministri Sali Berisha ka akuzuar sot kryeministrin Edi Rama se, përmes miratimit të ligjit për Byronë Kombëtare të Hetimit ka votuar haptazi për bllokimin e reformës në drejtësi. Berisha shprehet se ligji për Byronë Kombetare te Hetimit është hedhur poshtë nga Komisioni i Venecias, si një ligj që e bën Ramën kryeprokuror dhe kryehetues të vendit. "Me këtë akt, duke hedhur poshtë rekomandimet e Komisionit të Venecias, të cilat nuk lejojnë drejtimin nga jashtë saj, pra nga Policia, as dhe varësinë prej saj, Rama dëshmoi se ka tmerr nga reforma e vërtetë e drejtësisë, e cila e nxjerr jashtë kapjes politike, jashtë duarve të zeza të tij, drejtësinë e vendit,” – shkruan Berisha në profilin e tij ne Facebook.