Kryeministri Edi Rama i shoqëruar nga ministrja e Shëndetësisë Ogerta Manastirliu, gjatë inspektimit të qendrës shëndetësore nr. 1 në Tiranë, deklaroi se ndër të tjera, po punohet që të njihet certifikata e vaksinimit dhe në Bashkimin Evropian.
“Rritet interesi për vaksinimin antiCovid gjatë muajit të hapur të vaksinimit masiv, teksa po punohet për njohjen së afërmi të certifikatës së vaksinimit, si pjesë e integruar në sistemin e Bashkimit Europian”, tha Rama.
Manastirliu bëri me dije se është rritur numri i qytetarëve të interesuar për t’u vaksinuar, teksa shtoi se po punohet që të njihet edhe Green Pass në vendet e Europës.
“Numri i vaksinave të mbërritura më shumë se 2 milion, deri në dhjetor pritet që numri të shkojë në 3 mln numri i vaksinave. Me pedagogët dhe mësuesit po ecim mirë dhe data 30 shtator është lënë si një ditë ku do bëhet një bilanc sa i përket mbulesës vaksinale. Do të ketë edhe një monitorim të long COVID dhe të ketë mundësi për të bërë analiza falas në herë në vit, për të moshuarit. Po përgatisin grupe vaksinimi edhe për në universitet dhe në konvikte. Po punojmë që të njihet edhe Green Pass në vendet e Europës besojmë se do arrihet brenda 15 shtatorit”, theksoi ministrja.
Ndërkohë Rama deklaroi se studentët e pa vaksinuar nuk do të hyjnë në auditore.
