Edhe pse tashmë janë bërë rreth 2 javë që Big Brother Vip Albania përfundoi me shpalljen e Luiz Ejllit fitues, ky i fundit vazhdon të mbetet për çdo ditë në fokusin e mediave.
Pas intervistës së sotme të Meridian Ramçajt, ku rrëfeu se kishin kaluar pushime bashkë vite më parë dhe se kishte ngrënë në shtëpinë e Luizit, erdhi reagimi ironik i Ejllit, ku foton e publikuar në Instagram e shoqëronte me diçiturën:
“Karrigia me tha qe njihemi prej kohesh, sepse kemi dhe foto bashke😅”
Pak më vonë, Luizi surprizoi fansat me një story ku shkruante: Coming soon (Së shpejti).
Se për çfarë e kishte fjalën Luizi ende nuk dihet saktësisht, por pak më vonë ai publikoi një video falenderuese për shqiptarët e Amerikës që e kanë mbështetur përgjatë gjithë rrugëtimit të tij në Big Brother, të cilën e shoqëroi edhe me një story tjetër ku paralajmëron një tur të madh në Amerikë, datat e të cilit do t’i njoftoi në vazhdimësi.
E si për të mos përfunduar me kaq, Luizi arriti sot numrin 600 mijë ndjekës në Instagram, një shifër rekord kjo duke pasur parasysh se Instagrami i ri u hap nga Kiara gjatë kohës që ai ishte ende në shtëpinë e Big Brother dhe vetëm pas daljes së tij, ky rrjet social nisi të menaxhohej nga ai vetë.
