Rovena Stefa po rikthehet në skenën muzikore me një baladë dashurie që sjell emocione të forta dhe një histori të ngarkuar me dramacitet. Kënga vjen me një klip ku ajo luan përkrah Atillës, me të cilin ka ndarë më parë eksperiencën në shtëpinë e Big Brother VIP Kosova.
Klipi është realizuar pjesërisht në ambientet e shtëpisë së Rovenës, duke i dhënë një ndjesi më intime dhe të ngrohtë skenave. Rrëfimi vizual përqendrohet në marrëdhëniet e një çifti, ku romanca përplaset me tensione të forta, që çojnë deri në ndarje për shkak të tradhtisë. Atilla luan rolin kryesor përkrah Rovenës, duke shtuar dinamizëm dhe emocion në këtë histori pasionante.
