Karafili njihet me emrin e tij shkencor Dianthus që rrjedh nga greqishtja e lashtë, që do të thotë “lule e perëndive”.
Ngjyra origjinale e karafilit është e kuqja në të purpurt, por sot ekzistojnë shumë ngjyra ndër të cilat e kuqja, e bardha, e verdha dhe ato me cirka.
Karafilat shpesh përdoren në raste të veçanta, për festën e nënës dhe për martesa.
Në Kore për shembull karafilat e kuq përdoren për të treguar dashuri dhe mirënjohje për prindërit në ditën që i dedikohet atyre.
Në disa vende si për shembull si Austria dhe Italia karafili i kuq është simbol i festës së punës dhe lëvizjes së punëtorëve.
Ndërsa në Portugali karafili i kuq është simbol i revolucionit.
Domethënia e llojeve kryesore të karafilave:
Një karafil i zakonshëm tregon sharm, dashuri ndaj një gruaje, por edhe dorëzim.
Karafili njëngjyrësh: Shpreh një përgjigje pozitive, një pohim.
Karafilat me vija: Përgjigje negative, refuzim.
Karafili i bardhë: Simbolizon besnikërinë dhe dashurinë reciproke. Ndër të tjera shpreh edhe dashurinë e pastër, bukurinë dhe pafajësinë.
Karafili i verdhë: Zhgënjim, refuzim dhe padenjësi.
Karafili i purpurt: Kapriço.
Karafili rozë: Shpreh diçka që nuk do të harrohet.
Karafili i kuq: Zemërim, pakënaqësi, energji, admirim dhe tmerr.
Karafili me cirka: Ju këshillon të keni besim tek ai që e dhuron.
Në fotogalerinë e mëposhtme mund të shikoni disa prej llojeve të lules me aromë, që pothuajse të gjithë shqiptarët e kanë në ballkon.
R.O.
