Ndeshja e nesërme kundër Portos në Champions League është klasifikuar me rrezikshmëri të lartë nga klubi i Barcelonës.
Për këtë arsye, klubi spanjoll ka raportuar mëngjesin e të dielës se do të aktivizojë masa të rrepta kontrolli dhe aksesi për të shmangur incidentet e mundshme.
Ndër protokollet e vendosura, dallohen: hyrjet janë nominale; tifozët e ekipit portugez nuk do të mund të jenë jashtë zonës së tyre të caktuar; ndalimi i veshjeve që identifikojnë ekipin portugez, me përjashtim të hapësirës së rezervuar për tribunat e vizitorëve; të gjithë të pranishmit duhet të kenë dokumentacion të përgatitur (biletë dhe pasaportë ose dokument identifikimi) për t’u paraqitur nëse kërkohet.
