Për arsye që duket se nuk do të kuptohen kurrë, babai i Meghan Markle del thuajse çdo ditë në media duke u ankuar se si vajza e tij, tashmë zyrtarisht pjesë e familjes mbretërore britanike, nuk preferon t’i flasë dhe i mban inat. Kjo sigurisht, e ka bërë Meghan të acarohet edhe më tepër me të.
Të gjithë kanë pasur së fundmi një koment për Thomas, babanë e Meghan dhe duket se kapakun e vuri modelja e njëkohësisht blogerja e njohur Chrissy Teigen.
Me anë të një statusi në Twitter, bashkëshortja e John Legend shkruan: “Ky burrë, ky burrë ta shpif! Çfarë nuk shkon me të? Lërë vajzën tënde të jetë e lumtur të lutem, kjo gjë që po bën është kaq e turpshme!”, ka përfunduar ajo.
Duket se shumica e komentuesve kanë qenë dakord me mendimin e saj.
