Planet e para për menaxhimin e Ngushticës së Hormuzit janë vënë në tryezë, ndërsa SHBA-të, Izraeli dhe Irani vazhdojnë sulmet e tyre me raketa, duke goditur fabrika dhe universitete.
Pakistani priti sot bisedime me Turqinë, Egjiptin dhe Arabinë Saudite, si pjesë e përpjekjeve të tij për të ndërmjetësuar përfundimin e luftës me Iranin, dhe bisedimet fillestare u përqendruan në propozimet për të rihapur Ngushticën e Hormuzit për transportin detar, thanë burime të njohura me çështjen.
CNNgr, raporton se, vendet që takohen në Pakistan i kanë paraqitur propozime Uashingtonit mbi trafikun detar dhe hapjen e Ngushticës së Hormuzit, thanë për Reuters pesë burime të njohura me çështjen, si pjesë e përpjekjeve më të gjera për të stabilizuar flukset e transportit detar.
Një burim pakistanez tha se propozimet përfshijnë vendosjen e tarifave në stilin e Kanalit të Suezit, si dhe krijimin e një konsorciumi për të menaxhuar rrjedhat e naftës përmes Ngushticës, dhe i kërkoi Pakistanit të merrte pjesë.
Në të njëjtën kohë, skenarët për një ndërhyrje tokësore të SHBA-së po përshkallëzohen. Skenarë që përforcohen nga vendosja në rajon e anijes së operacioneve amfibe USS Tripoli, e cila transporton afërsisht 3,500 marinarë dhe marinsat. Megjithatë, Teherani deklaron se është gati për një ngjarje të tillë, me kryetarin e parlamentit iranian që paralajmëron se ushtarët po presin mbërritjen e ushtarëve amerikanë në terren për t’i asgjësuar ata.
