4 tetor 2015 – Ngjarja e pazakontë ka ndodhur dhjetëra herë në zonën e maternitetit të vjetër në Tiranë, ku një grua shitëse këpucësh, pranë Fakultetit të Shkencave të Natyrës ishte kthyer në tutoren e një vajzë 25-vjeçare, e cila pranonte të kryente marrëdhënie seksuale me meshkuj kundrejt 15 mijë lekësh të vjetra.
N.Qoshlli, ishte ajo që gjente klientë, këta dhe të afërmit e grave që shtroheshin në maternitet, të cilët teksa kryenin vizita në maternitetin “Mbretëresha Geraldina” ftoheshin nga Qoshlli, për të kryer marrëdhënie seksuale me 25-vjeçaren M.Prençi.
Shpesh herë kjo e fundit aktin seksual e kryente dhe në ambiente publike, hotele, ose në godinën e braktisur të ish-stacionit të trenit.
Madje, në një rast ka ndodhur çudia, pasi në rrjetën e shitëses së këpucëve ka rënë dhe një djalë i sapo fejuar, i cili në mbrëmje teksa ka shoqëruar të fejuarën e tij në shtëpi dhe ka dalë sërish në rrugë përpara i ka dalë N.Qoshlli, dhe e ka ftuar që të kryejë marrëdhënie me 25-vjeçaren, shkruan Shqiptarja.com.
I riu ka pranuar por më pas është kapur në flagrancë nga policia. Tashmë i riu E. Leti është dënuar nga gjykata me 700 mijë lek gjobë të vjetra, 25-vjeçarja M. Prençi me 8 muaj e 20 ditë, tutorja Qoshlli me 1.4 vite burg dhe një i ri Ardi Hyka me 1 vit burg pasi ka kundërshtuar policinë.
/portali DurresLajm/
