Antonio Conte nuk është i sigurt për qëndrimin në krye të Chelsea-t në fund të sezonit edhe nëse fiton titullin. Trajneri italian i “bluve” të Londrës ka pohuar dika të tillë kur sheh shembullin e Ranierit.
“Mendoj se në futbollin modern nuk është e lehtë të nisësh një projekt, apo të jesh i sigurt se do të jesh për një kohë të gjatë te një skuadër. Kjo nuk vlen vetëm për mua, por për të gjithë trajnerët. Ajo që është e sigurt është se, nëse të jepet një rast i tillë, atëherë fiton edhe mundësinë për të punuar më shumë me skuadrën, për të zbatuar idetë e tua dhe për të përmirësuar futbollistët”, tha Conte.
Chelsea vijon të mbetet në krye të renditjes 10 pikë më shumë se vendi i dytë që mbahet nga Tottenham.
