Javët e fundit, Italia ka raportuar shifra të larta të rasteve të reja me COVID-19, ku vetëm një ditë më parë, u raportuan mbi 10 mijë të infektuar dhe 55 viktima.
Por pavarësisht situatës, kryeministri i Italisë, Giuseppe Conte ka deklaruar se izolimi i plotë i vendit duhet të shmanget, ndrysa shton se vala e dytë e pandemisë është më pak e rrezikshme.
Po ashtu, kryeministri italian theksoi se BE po financon për të garantuar miliona vaksina.
“Nuk them që vala aktuale është më pak e rrezikshme, por ne kemi punuar. Ne duhet ta përballojmë këtë valë me një strategji të re, ndryshe, në të cilën nuk parashikohet më një izolim. Për vaksinat është bërë një investim i madh. Disa grupe parashikojnë rezultatet deri në fund të nëntorit ose dhjetorit. Ne mund të kemi 200 ose 300 milionë vaksina shumë shpejt. Ne do të jemi në gjendje të reagojmë ndaj koronavirusit me anë të vaksinave. Gjithashtu, jemi duke u kujdesur të sigurojmë vaksina edhe për vendet më në vështirësi”, -tha Conte.
