Tashmë dihet efektiviteti i vaksinave kundër infeksionit SARS-CoV-2 dhe komplikimeve të tij serioze. Megjithatë, një studim i ri tani pohon se vaksinimi parandalues mbron edhe nga mundësia e Covid-it të gjatë , një sindromë që vërehet pas infeksionit dhe prek një përqindje të madhe të njerëzve me simptoma kronike.
Në mënyrë të veçantë, siç pretendon studimi i publikuar në The BMJ , marrja e të paktën një doze të vaksinës kundër COVID-19 përpara infeksionit të parë lidhet ngushtë me një rrezik të reduktuar të sindromës së gjatë të Covid.
Gjetjet bazohen në të dhënat nga më shumë se gjysmë milioni të rritur nga Suedia dhe tregojnë se njerëzit e pavaksinuar kishin pothuajse katër herë më shumë gjasa për t’u diagnostikuar me Covid afatgjatë sesa ata që ishin vaksinuar përpara infeksionit të parë.
Studiuesit arritën në këtë përfundim pasi hetuan efektivitetin e vaksinimit parësor kundër COVID-19 – referuar dy dozave të para dhe përforcuesit të parë – në trajtimin e simptomave të gjata të Covid-it, duke përdorur të dhëna nga projekti SCIFI-PEARL, një studim i bazuar në regjistrin e krijuar nga Suedia për pandeminë.
