Në rrugët e Shkupit mbrëmë është mbajtur edhe protesta e 43-të me radhë, ku pjesëmarrësit kanë bartur mburoja prej kartoni, që simbolizonin synimin e shpallur për ta mbrojtur Maqedoninë nga qeverisja e koalicionit të përbërë nga socialdemokratët dhe shqiptarët.
Të udhëhequr nga një vijë e femrave, fëmijëve dhe njerëzve të moshuar, që i mbanin këto mburoja me ngjyrat kombëtare të kuqe dhe të verdhë, protestuesit kanë marshuar prej ndërtesës së qeverisë e deri te parlamenti, duke kërkuar zgjedhje të reja dhe duke e refuzuar planin e partnerëve të koalicionit për zyrtarizimin e gjuhës shqipe, si gjuhë e dytë zyrtare në Maqedoni.
Partia VMRO-DPMNE, që dikur udhëhiqte qeverinë e Maqedonisë, për javë të tëra e ka bllokuar formimin e koalicionit dhe zgjedhjen e kryetarit të parlamentit.
Shtetet e Bashkuara dhe Bashkimi Evropian i kanë bërë thirrje VMRO-DPMNE-së për t’i ndalur taktikat penguese, të cilat e kanë vazhduar krizën e gjatë politike në Maqedoni. /REL/
