Konferenca e Kryetarëve u shoqërua sot me debate të ashpra mes opozitës dhe mazhorancës për çështjen e shtyrjes së mbledhjes së këshillit të mandateve që do shqyrtonte kërkesën e SPAK për imunitetin e Belinda Ballukut.
Gjatë konferencës, Gazment Bardhi ka deklaruar se SPAK ka regjistruar procedimin penal mbi kallëzimin që ka bërë ai në emër të PD-së ndaj Kryetarit te Kuvendit, për mos mbledhjen e këshillit të mandateve. Ndërkohë, Taulant Balla e ka cilësuar deklaratën e Bardhit si qesharake.
“Është qesharake që përpara se të prisni Kuvendin, në zbatim të nenit 116 pika 4 për ankimimin mbi interpretimin e rregullores, bëhet kallëzim,” tha Balla.
