“Së shpejti nga ky vend do largohem, kush nuk e kupton që ky vend po shkon keq e më keq është naiv. Këtu nuk mund të rriten fëmijët. Ka ardhur momenti që njerëzit ta mendojnë seriozisht këtë!”
Kjo ka qenë deklarata e fortë e gazetarit Arian Çani, e bërë mbrëmë në studion e emisionit “Studio e Hapur” të gazetares Eni Vasili.
Moderatori i “Zonë e Lirë”, ftoi të gjithë shqiptarët të mendojnë seriozisht për këtë. Ai thotë se gjërat në Shqipëri po shkojnë gjithnjë e më keq, prandaj ka vendosur të largohet nga Shqipëria.
Ndonëse gazetarja Eni Vasili nguli këmbë për vendin ku do të largohej, Çani nuk u përgjigj, por shtoi: “Do na duhen disa emisione të tjera për ta saktësuar këtë”.
Më pas ai iu drejtua Henri Çilit duke i thënë: “Mos ma merr si shaka…Arian Çani nuk ka asnjë përgjegjësi publike…Kjo është ndjesia ime nga ato që shoh”.
