Del në shitje shtëpia më e shtrenjtë në botë, e cila në treg kap shifrën e 500 milionë dollarëve sipas Daily Star.
Shtëpia e pagëzuar me emrin “The One” nga pronari i saj, producenti televiziv, Nile Niami ka 20 dhoma gjumi, 30 tualete, nje kinema gjigande, një pistë vrapimi, katër pista për bowling e një klub nate, 11 pishina dhe pesë ashensorë.
Pamja që ofron është spektalore pasi godina ngrihet në një sipërfaqe prej 10 mijë metrash katrorë dhe ndodhet në lagjen e miliarderëve, Bel Air në Los Angeles.
Nile Niami, që tashmë pret ofertën e radhës, ndërkohë i ka treguar ambientet e saj të brendshme yllit të Youtube-it, Michaeal Blakey.
Në një intervistë të vitit të shkuar për mediat amerikane, zotëruesi i saj regjisori Niami tha: “Kur filloi shtëpia, nuk pata asnjë mendim për ta shitur 500 milionë dollarë, tani ka kaq shumë shitje 3-shifrore në L.A. e në botë dhe çmimi i kërkuar nuk është më i paarsyeshëm”.
Shtëpia e regjisorit është e shtrirë në ndërtesa të ndryshme dhe fqinjët e tij janë Jennifer Aniston dhe Elon Musk.
