Një tjetër pallat është shpallur i pabanueshëm në Bulqizë, pasi u dëmtua nga tërmeti i tri ditëve më parë.
Në pallatin ku banojnë tetë familje dhe ka biznese në katet e para ka nisur puna nga ana e policisë bashkiake dhe ajo e rendit për boshatisjen e godinës. Ndërtesa ndodhet në lagjen e vjetër të qytetit.
Këtë paradite, iu vendos shiriti një pallati që ndodhet në lagjen e re të qytetit dhe banorëve iu kërkua të evakuuoheshin. Një pjesë e tyre u largua, por disa të tjerë shprehen të vendosur për mos të dalë nga apartamentet e tyre.
Tërmeti me magnitudë 4.7 të shkallës Rihter u regjistrua të dielën në darkë rreth orës 22:37, ndërsa u pasua nga disa pasgoditje gjatë natës dhe mëngjesit.
