Një tjetër vetëvrasje ka shënuar viktimën e radhës. Në Milot, një grua 52 vjeçe, me iniciale Gj.V., është gjetur e varur në litar në oborrin e banesës së saj private.
Ngjarja ka ndodhur një ditë më parë, ndërsa burime nga policia lokale njoftojnë se nga hetimet, rezulton se gruaja është vetëvarur. Ajo, shtojnë të njëjtat burime, vuante nga depresioni për të cilin edhe mjekohej.
Gruaja është gjetur e pajetë nga familjarët rreth mesditës së të enjtes.
Ndërkohë, materialet hetimore për rastin i janë referuar për vlerësim Prokurorisë së Rrethit Gjyqësor Kurbin.
