Teksa deputetët demokratë po pengojnë zhvillimin e aktiviteteve parlamentare, mësohet se është shtyrë mbledhja e Konferencës së Kryetarëve.
Ishte parashikuar që Mbledhja e Konferencës së Kryetarëve të niste në orën 10:00, ku do të bëhej prezantimi i projektligjit për buxhetin 2024, nga ministri i Ekonomisë, Ervin Mete.
Por deputetët demokratë nuk lejuan zhvillimin e mbledhjes, dhe shkak për këtë siç thuhet është bërë përjashtimi i deputetëve dhe mos përmbushja e kërkesave të tyre.
Fillimisht deputetët bllokuan sallën e konferencës së kryetarëve dhe nuk lejuan të zhvillohet mbledhja.
Më pas PS ka tentuar që të zhvillojë mbledhjen në salla të tjera, por PD nuk i ka lejuar.
Mbledhja është shtyrë për në orën 13:00.
