Në nisje të këtij viti të ri shkollor, deputeti i Durrësit Arkend Balla iu uron të gjithë nxënësve, prindërve dhe mësuesve një vit të mbarë e të suksesshëm!
Arsimi është themeli mbi të cilin ndërtojmë të ardhmen, thotë deputeti, teksa shton se: “ne jemi të përkushtuar për të ofruar mundësi të reja që fëmijët tanë të lulëzojnë dhe shkëlqejnë”.
Në një status në faqen e tij në “Facebook”, Balla ka nga një mesazh për nxënësit, prindërit dhe mësuesit.
URIMI I DEPUTETIT BALLA:
Të dashur nxënës,
Ëndërroni, punoni shumë dhe besoni në veten tuaj. Bota është plot me mundësi që presin për t’u eksploruar. 
Të nderuar prindër,
Faleminderit për besimin që na keni dhënë. Përfshirja dhe mbështetja juaj janë të paçmueshme për sistemin tonë shkollor.
Mësuesit tanë të vyer,
Pasioni, përkushtimi dhe puna juaj e palodhur formojnë udhëheqësit e së nesërmes. Faleminderit për shembullin që iu jepni nxënësve duke i ushqyer me dashurinë për dijen.
Të gjithë së bashku le ta bëjmë këtë vit shkollor të suksesshëm dhe të krijojmë një të ardhme më të ndritur për komunitetin tonë. 
