Deputetja e PDIU-së, Mesila Doda së fundmi ka vendosur të bëjë një tatuazh. Ajo ka zgjedhur krahun si vendin e përshtatshëm për të pikturuar një shqiponjë, simbol i kombit dhe flamurit shqiptar.
Mesila ka tërhequr vëmendjen e gazetarëve, kur ia ka treguar tatuazhin me shqiponjë kolegeve të saj në seancën e sotme. Në fotot e publikuara nga "Balkan Web", deputetja dukej shumë entuziaste.
Nuk dihet nëse është një tatoo permanent apo i përkohshëm, siç janë në modë në sezonin e verës, por me sa duket deputetja e PDIU-së ka dashur të tregojë se është patriote duke zgjedhur shqiponjën.
