Mançester Junajtid ka luajtur aq pak ndeshje të mira këtë sezon, saqë shumë tifozë shkojnë në stadium për të fjetur ose për të sharë trajnerin Luis van Gal dhe drejtuesit e klubit. Megjithatë, të dielën Junajtid fitoi bujshëm derbin e madh kundër Mançester Sitit, falë golit të sulmeusit të talentuar Rashford. Me sa duket, tronditja kaq qenë aq e madhe për tifozët e Junajtid, saqë edhe festa ka kaluar çdo limit dhe një tifoz ka humbur dhëmbin gjatë festimeve. Megjithatë, siç shihet në foto, tifozi e ka gjetur dhëmbin e humbur dhe nuk e ka vrarë shumë mendjen:rëndësi ka që fituan “Djajtë e Kuq”.