Aleksandër Ndoka që u vra me armë zjarri në Lezhë nuk ka pasur precedent penal, por konfliktet në familjen e tij i ka pasur djali, Samuel Ndoka. Djali i tij 19-vjeçar u përfshi në një sherr që përfundoi në kanosje me armë zjarri ndaj një aktivisti të LSI në zgjedhjet e 25 qershorit në qarkun e Lezhës.
Samuel Ndoka akuzohet se së bashku me kushëririn e parë Danjan Ndoka dhe disa persona të tjerë, nën kërcënimin e armës kanë kanosur dhe dhunuar ditën e zgjedhjeve të 25 Qershorit, aktivistin e LSI-së, Florjan Dushku. Samuel Ndoka dhe Danjan Ndoka u arrestuan në datën 28 tetor, ndërsa u prangosën edhe dy bashkëpunëtorë të tij.
Por ky nuk është konflikti i parë i Samuel Ndokës, që u arrestua në datë 28 tetor në Tiranë me një pistoletë me 7 fishekë, pasi është një emër i njohur për policinë. Samuel Ndoka së bashku me Klajdi Ndokën dhunuan edhe nënkryetarin e qarkut të Lezhës, Agustin Marku duke e goditur disa herë me grushte dhe shqelma në një lokal në 20.02.2017.
Në lidhje me krimin e sotëm, policia ka ngritur pika kontrolli, si dhe po bëhet krehja e zonës me qëllim kapjen e autorëve ende të paidentifikuar.
Ndoka, babai i 4 fëmijëve, ka qenë anëtar i këshillit bashkiak në Bashkinë e Lezhës.
