Vjeshta dhe dimri janë stinët kur shumë njerëz fillojnë të ndërmarrin masat mbrojtëse. Ulja e temperaturave shton mundësitë për t`u prekur nga infeksionet bakteriale dhe virale. “Të mbrohesh” në këtë rast do të thotë ta mbash organizmin dhe sistemin imunitar sa më efiçent, për të qenë më të fortë dhe më të gatshëm për t`u mbrojtur. Stresi ndikon në uljen e mbrojtjes së organizmit. Një nga faktorët që më shumë se të tjerët ul mbrojtjen natyrale të organizmit është stresi, ku bën pjesë si ai fizik, ashtu edhe ai emotiv. Dhimbja e zakonshme e kokës është vetëm dhimbje koke, ndërsa urthi nuk është asgjë më shumë se një shenjë që na lajmëron se e kemi tepruar me ushqimin. Dhimbja është mënyra me të cilën trupi tregon që diçka nuk është në rregull. Përafërsisht se ju e dini kur bëhet fjalë për dhimbje kalimtare dhe kur është fjala për diçka më serioze. Por kur është fjala për ndonjë dhimbje të papritur, e cila është prezente më gjatë se zakonisht, apo vetëm duket ndryshe, e meriton vëmendjen tuaj. Disa nga gjendjet vijuese duhen të merren seriozisht dhe të kërkohet këshilla e mjekut.

Dhimbja në gjoks

Nëse pacientët e njohin mirë gjuhën subtile të zemrës, shumë prej tyre mund të shmangin shqetësimin e panevojshëm dhe koston. Studimet kanë zbuluar që femrat përjetojnë nivel më të gjerë të simptomave të sulmit në zemër sesa meshkujt. Ekzistojnë tre tregues të mirë që diçka nuk është në rregull dhe ata mund të shfaqen tek të dy gjinitë. Ata janë dhimbja në gjoks e cila nuk kalon, shkurtimi i frymëmarrjes dhe çfarëdo lloj dhimbje në pjesën e sipërme të trupit e cila nuk është shfaqur deri tani. Nëse ndieni cilëndo prej këtyre simptomave, duheni të telefononi mjekun apo ndihmën e shpejtë.

Dhimbja e rëndë e kokës

Ka gjasa të bëhet fjalë për migrenë. Por, nëse nuk përcillet me simptomat e tjera të migrenës, dhimbja e papritur e fortë e kokës mund të sinjalizojë që bëhet fjalë për aneurizëm të trurit. Pëlcitja e aneurizmit mund të shkaktojë dëmtimin e trurit brenda disa minutash, prandaj duhet të telefononi menjëherë ndihmën e shpejtë.

Dhimbja e dhëmbit

Me siguri bëhet fjalë për dëmtimin e nervave të dhëmbit apo ju keni dhimbje dhëmbi për shkak të inflamacionit. Nëse nuk përkujdeseni shpejt për inflamacionin, bakteret në gojë mund të hyjnë në nerv. Dhe definitivisht nuk dëshironi që kolonitë e baktereve të përhapen nëpër trupin tuaj. Nëse dhëmbi juaj është tashmë i infektuar, do të duhet t’i pastroni kanalet e rrënjëve.

Dhimbja e fortë në njërën anë të trupit

Nëse keni dhimbje në anën e djathtë dhe po ashtu keni edhe mundim e ethe, ka mundësi të bëhet fjalë për inflamacion të zorrës qorre. Për femrat, mundësi e dytë është çisti i vezorëve. Zakonisht këto qeska të mbushura me lëng janë të parrezikshme dhe zhduken vetë. Por, nëse njëra shpërthen, kjo mund të shkaktojë dhimbje të tmerrshme. Në të dy rastet, është i nevojshëm operacioni urgjent. Zorra e pezmatuar mund të pëlcasë dhe të shkaktojë shumë komplikime. Po ashtu edhe çisti duhet të hiqet menjëherë, sepse mund të bllokojë rrjedhën e gjakut në vezore brenda disa orëve.

Dhimbja abdominale me gazra dhe fryrje të barkut

Kohët e fundit në shumicën e rasteve ju ndiheni të fryrë në bark dhe keni gazra, pa marrë parasysh se çfarë hani. Nëse simptomat janë të reja, në rastin më të keq bëhet fjalë për kancer të vezoreve. Simptomat e hershme të kësaj forme të kancerit janë: fryrja e barkut, dhimbja në stomak apo legen dhe vështirësitë në ushqyerje. Nëse filloni t’i përjetoni këto simptoma gati çdo ditë më shumë se dy apo tri javë, konsiderojeni këtë si shenjë paralajmëruese.

Dhimbja në shpinë dhe therja në gishtërinj

Nëse keni mbajtur sende të rënda, dhimbjet duhen të kalojnë shpejt. Por nëse nuk ndalen, kërkoni ndihmën e ortopedit. Një nga disqet mund të bëjë presion në nerv. Pa trajtimin e duhur, rrezikoni dëmtim të përhershme të nervave.

Dhimbjet në këmbë dhe enjtja

Pulpa e këmbës është jashtëzakonisht e ndjeshme në njërin vend, dukshëm i fryrë dhe i kuq, apo i ngrohtë në prekje. Ndoshta keni trombozë të thellë të venave, zakonisht e njohur si trashje apo mpiksje e gjakut. Rezistojini nxitjes për masazh të asaj pjese. Mpiksja mund të udhëtojë nëpër vena deri te mushkëritë dhe të çojë deri në vdekje. Menjëherë lajmëroni mjekun, ose drejtohuni në urgjencë.