Planet e Barcelonës për këtë verë dhe sezonin e ardhshëm mbeten të pasigurta, pasi e ardhmja e Xavi Hernandez edhe një herë është në ajër.
Nëse më parë kjo çështje nuk kishte impakt, tani ajo ka filluar të ndikojë në dhomën e zhveshjes.
Presidenti Joan Laporta thuhet se ka vendosur të largohet nga Xavi, dhe palët do të takohen javën e ardhshme për të vendosur të ardhmen e tij.
Sipas gazetës Sport, skuadra e Barcelonës po fillon të shqetësohet për të ardhmen e tyre nga kjo situatë.
Lojtarë të ndryshëm që besonin se do të ishin në klub verën e ardhshme nuk janë më të sigurt për situatat e tyre dhe të tjerët që besonin se mund të largoheshin janë të intriguar të dinë nëse do të ndodh kështu.
Drejtori sportiv Deco ka kontaktuar me agjentët e lojtarëve për t’i siguruar ata për planet e Barcelonës, por kuptohet, shumë janë të prirur të kenë bekimin e trajnerit, gjë që në këtë pikë është e pamundur nëse pozicioni i Xavi është i pasigurt.
Nuk është befasi që planifikimi i sezonit të Barcelonës ka filluar të çekuilibrojë gjërat në klub.
Pas pesë muajsh sigurie të pakët në një mënyrë apo tjetër, dhe në dukje pa një plan të qartë të vazhdimësisë, nuk do të ishte befasi nëse lojtarët kryesorë kanë dyshime për t’iu bashkuar klubit.
Lojtarë të ndryshëm, si Raphinha, Ronald Araujo, Romeu, Inigo Martinez dhe Vitor Roque kanë parë sesi në harkun kohor prej 12 muajsh deri në dy vjet, planet për ta kanë ndryshuar, apo premtimet nuk janë realizuar.
