Një 45-vjeçar ka shkuar në polici ku kallëzoi se në shtëpinë e tij i kishin vjedhur një shumë parash. Uniformat blu nisën menjëherë hetimet, dhe zbuluan se hajduti ishte pjesëtar i familjes.
Bëhet fjalë për djalin e 45-vjeçarit, i cili është vënë në pranga. 18-vjeçari me iniciale R.U dyshohet se i ka vjedhur të atit 104 000 lekë, para të cilat u sekuestruan në cilësinë e provës materiale.
Dhe kjo nuk ishte hera e parë që djali vidhte babanë. Në mënyrë të përsëritur, ai i kishte grabitur shuma të ndryshme të atit në banesën e tyre në fshatin Lalm.
