Një lajm bombë vjen nga Spanja. "Sport.es" shkruan se një prej kandidatëve kryesorë për t’u emëruar presidenti i ri i Shteteve të Bashkuara të Amerikës, pikërisht Donald Trump mund të shndërrohet në aksionerin më të ri të klubit zikaltër, dhe nëse kjo ndodh në stolin e Interit pritet të ulet trajneri aktual i Atleticos së Madridit, Diego Pablo Simeone. Erick Thohir po punon për të gjetur aksionerë të ri në mënyrë që të forcojë financat e klubit dhe sipas "Sport.es" është në bisedime me kompaninë Proto Group LTD, që është në pronësi të Donald Trump dhe Alessandro Prottos. Simeone ndërkohë pritet të përfitojë 20 milion euro në sezon.