Ish-presidenti amerikan Donald Trump ka lançuar linjën e tij të re të këpucëve, një ditë pasi ai dhe kompanitë e tij u gjobitën me vlerën 355 milionë dollar për mashtrim.
Trump prezantoi “Trump Sneakers” në Sneaker Con në Filadelfia. Një palë atlete ngjyrë floriri do të shiten 399 dollarë.
“Kjo është diçka për të cilën kam folur për 12 vjet, 13 vjet dhe mendoj se do të jetë një sukses i madh,” tha Trump, i cili po marshon më pranë nominimit republikan në 2024 dhe një revansh të mundshëm me Presidentin Joe Biden.
Ish-presidenti po shet gjithashtu dy versione të atleteve që kanë “T” dhe “45” në anët për 199 dollarë, po ashtu edhe kolonja për vetëm 199 dollarë.
