Gjatë ditës së nesërme do të bëhet publik qëndrimi i Presidencës për draft opinionin e Komisionit të Venecias.
Po kështu gjatë ditës së nesërme do të bëhen publike dhe pyetjet e Presidentit për Komisionin e Venecias për shterimin përfundimtar të kësaj çështjeje.
Kujtojmë këtu se mazhoranca me në krye Edi Ramën ka kërkuar opinion nga Komisioni i Venecias në lidhje me dekretin e presidentit Ilir Meta që shfuqizon datën e zgjedhjeve të 30 qershorit.
Mazhoranca e akuzon presidentin Meta se ka shkelur Kushtetutën dhe duhet shkarkuar, ndërsa në opinionin paraprak Venecia shprehet se presidenti nuk mund të shkarkohet, pasi nuk ka shkelje.
