Këngëtari i njohur Majk ishte i ftuar gjatë puntatës së fundit të “Zemër Luana”. Ai u vendos përballë një loje mes artistash ku bëri dhe disa deklarata të forta për ta.
Gjatë sfidës së “Paintball”, Majk u pyet se cili nga artistët në foto “duhet të mbledhë rrobat dhe të largohet nga repi” dhe ai qëlloi foton e Don Xhonit. Por kujtojmë se gjatë lojës artisti u shpreh se këto deklarata nuk duhen të merren për bazë nga këngëtarët pasi nuk ka asgjë personale me ta dhe në fakt ashtu është.
Së fundmi Majk ka postuar një foto ku shfaqet krah reperit nga Drenica ku shfaqen të qeshur dhe shkruan: “Asgjë përveç se dashuri dhe respekt boki”, teksa ka etiketuar dhe Don Xhonin.
Më tej, reperi kanë publikuar në InstaStory disa momente gjatë xhirimeve të një klipi, madje Majk paralajmëroi fansat e tij se ka ardhur koha për të sjellë një këngë të re duke shtuar kështu dyshimet se djemtë munnd të vijnë bashkë në këtë projekt të ri muzikor.
