· Komunalja e bashkisë ka dezinsektuar kopshtet dhe çerdhet publike të qytetit, si dhe nga mushkonjat zonat ujëmbajtëse dhe bregdetin nga ish-Vila, Currila deri te kalata lindore e portit në një sipërfaqe prej 62 500 m katrorë
DURRËS, 9 korrik 2014 – Ndërmarrja e Shërbimeve Komunale e bashkisë Durrës ka kontraktuar bazën materiale për dezinfektim, dezinsektim, deratizim, bëri të ditur për “Dyrrah”-un drejtori Luan Zaza.
Pas një tenderi të zhvilluar më 20 qershor 2014, janë blerë 860 kg pesticide me vlerë 2 283 600 lekë.
Sipas Zazës, çdo ditë dezinfektohen 300 VMM (vend-mbledhje mbeturinash të kazanëve) me gëlqere të pashuar dhe klor 5 për qind dhe çdo javë ose një herë në dy javë mjetet e transportit të mbeturinave.
Sipas planit janë dezinsektuar kopshtet dhe çerdhet publike qytetit, si dhe nga mushkonjat zonat ujëmbajtëse dhe bregdetin nga ish-Vila, Currila deri te kalata lindore e portit në një sipërfaqe prej 62 500 m katrorë.
Po kështu janë luftuar brejtësit, minjtë.
Sektori i DDD-së (dezinfektim, dezinsektim, deratizim) vazhdon punën sipas një grafiku te miratuar.
/th. m. agjencia e lajmeve “Dyrrah”/
