Dy persona kanë rënë në prangat e policisë në Durrës, njëri prej të cilëve një 33-vjeçar nga Gjilani që ishte në kërkim, si edhe një 43-vjeçar i akuzuar për vjedhje.
Specialistët për Hetimin e Krimeve Ekonomiko-Financiare të DVP Durrës ndaluan shtetasin e shpallur në kërkim G. Sh., 33 vjeç, banues në Gjilan. Gjykata e Durrësit i ka caktuar këtij shtetasi, masën e sigurisë “Arrest në burg”, për veprat penale “Falsifikimi i dokumenteve” dhe “Falsifikimi i letërnjoftimeve, i pasaportave ose i vizave”.
Specialistët për Hetimin e Krimeve të Komisariatit të Policisë Durrës arrestuan në flagrancë shtetasin G. Gj., 43 vjeç, banues në Durrës, pasi ka vjedhur një pajisje kompjuterike, në një servis për automjetet. Pajisja u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
