Një aksident me pasojë pesë persona të plagosur ka ndodhur në Durrës pas mesnate.
Mësohet se ngjarja ka ndodhur në lagjen nr.13, ku drejtuesi i mjetit tip “Opel” ka humbur kontrollin dhe ka dalë nga rruga.
Burimet zyrtare bëjnë me dije se të lënduarit ndodhen në spital, jashtë rrezikut për jetën.
Durrës/Informacion paraprak
Më datë 09.07.2021, rreth orës 02:40, në lagjen nr.13, Durrës, shtetasi E. K., 20 vjeç, duke drejtuar mjetin tip “Opel”, ka humbur kontrollin duke dalë nga rruga e për pasojë janë lënduar drejtuesi i mjetit dhe pasagjerët në mjet shtetasit P. M., 30 vjeç, D. K., 30 vjeç, M. Z., 16 vjeç, dhe M. A., 20 vjeç, të cilët ndodhen nën kujdesin e mjekëve jashtë rrezikut për jetën.
Grupi hetimor po punon për zbardhjen e rrethanave të aksidentit.
