Bashkia e Durrësit ka shpallur konkursin për dy vende të lira pune në Policinë Bashkiake.

Në njoftimin e publikuar në faqen zyrtare, bashkia bën të ditur edhe kriteret që duhet të plotësojnë kandidatët që do të jenë të interesuar për këto dy vende pune.

Kriteret janë:

– Të ketë arsim të mesëm ose të lartë

– Të jetë në moshë 19 – 27 vjeç

– Të këtë të paktën 3 vjet eksperience pune

– Të ketë aftësi të punës në grup, aftësi gjykuese dhe të kontrolloj situata të krijuara të paparashikuara.

– Të ketë aftësi të mira fizike dhe gjatësi trupore 1.75 cm

– Të ketë njohuri mbi programet bazë të kompjuterit.

– Preferohet të ketë punuar në policinë e shtetit

Kandidatët duhet të paraqesin brenda datës 25 mars në Drejtorine e Burimeve Njerëzore në bashkinë Durrë këto dokumenta :

1. Kërkesën për aplikim

2. Curriculium Vitae

3. Fotokopje të Dëftesës të noterizuar ose të diplomës

4. Fotokopje të librezës punës

5. Dëshmi kualifikimi për kompjuterin

 6. Vlerësim pune nga punëdhënësi i mëparshëm

7. Fotokopje e kartës së idenditetit.

8. Dëshmi e gjendjes gjyqësore.

Pas verifikimit paraprak, bashkia njofton se më datë 31.03.2022 do të shpallet lista e aplikantëve që plotësojnë kushtet për testim.