Nxënësit e Shkollës së Mesme të Përgjithshme "Gjergj Kastrioti Skënderbeu", në Durrës, kanë ardhur para publikut dhe artdashësve me një shfaqje tërësisht në frëngjisht. Ata kanë hipur në skenën e Teatrit "Aleksandër Moisiu", duke prezantuar programin e tyre, në kuadër të Javës së Frankofonisë. Gjimnazistët sollën një variacion me teatër dhe këngë, nën drejtimin e mësueses së artit Alketa Aliu.