Partia Demokratike në Durrës ka mbledhur të përndjekurit politikë të të gjitha formave nga regjimi komunist me qëllimin për të ndërtuar me ata një marrëdhënie të re, marrëdhënie e cila, siç edhe u tha në takim, nuk ka qenë ajo e dëshiruara. Në fakt, arsyeja e këtij takimi ishte edhe prezantimi i një strukture të re që PD ka krijuar posaçërisht për të përndjekurit, që ishte Departamenti i të Përndjekurve. Në të njëjtën kohë, duke qenë se mori pjesë në takim, u prezantua edhe kreu i Departamentit të të Përndjekurve i PD, që ishte Tomorr Alizoti.
Në takim, Osman Stafa, kreu i PD në Durrës, tha se "krimi, korrupsioni dhe mafia nga trashëgimtarët e diktaturës nuk mposht dot shpirtin e të përndjekurve, të demokratëve dhe të shqiptarëve."
Ndërkohë, Tomorr Alizoti, kreu i Departamentit të të Përndjekurve i PD, tha se "PD synon të ndërtojë një marrëdhënie të re me të përndjekurit, duek pranuar gabimet e së kaluarës dhe duke përpjekur që, në të ardhmen, të mund të bëjmë më të mirën e mundshme." Sipas tij, bashkëbisedimi me të përndjekurit dhe rritja e nivelit të përfaqësimit të tyre do të sillte edhe zgjidhjen më mirë të problemeve me të cilat ata përballen.
Ndërkohë, në takim, mjaft nga të përndjekurit ka theksuar problemet me të cilat ata përballen dhe me faktin se, që prej vendosjes së demokracisë në vend, shteti ka bërë shumë pak për ata.
