Një bombol gazi ka shpërthyer në një lokal në Kallm të Durrësit.
Policia njofton se shpërthimi ka ardhur si pasojë e rrjedhjes së gazit, ndërkohë është plagosur pronari i lokalit dhe një 35-vjeçare që ishte kliente.
Gjithashtu një 67-vjeçar në fshatin Perlat në Manzë i ka vendosur flakën banesës së tij e për pasojë ka pësuar lëndime dhe ndodhet në spiatl.
NJOFTIMI I POLICISË:
Durrës/Informacione paraprake
Më datë 21.09.2021, rreth orës 14:45,në Kallm, Durrës, dyshohet se si pasojë e rrjedhjes së gazit ka marrë flakë dhe më pas ka shpërthyr një bombël gazi në lokalin e shtetasit M. B.
Nga shpërthimi i bombulës së gazit janë lënduar shtetasit M. B., 28 vjeç (pronari i lokalit) dhe shtetasja M. K., 35 vjeçe, (kliente), të cilët ndodhen nën kujdesin e mjekëve, jahstë rrezikut për jetën.
Rreth orës 15:15, në fshatin Perlat, Manëz, shtetasi B.I., 67 vjeç, dyshohet se i ka vendosur zjarrin banesës së tij e për pasojë ka pësuar lëndime dhe ndodhet në kujdesin e mjekëve.
Grupet hetimore ndodhen në vendngjarje dhe po punojnë për zbardhjen e plotë rrethanave të ngjarjeve.
