DURRËS, 3 prill 2014 – Drejtoria Arsimore Rajonale Durrës filloi përzierjen e “gurëve të dominosë”.
U startua nga shkolla e mesme e përgjithshme “Leonik Tomeo”.
Nëndrejtorja e shkollës zonja Aurora Prevazi (Balliu), u lirua nga detyra dhe u transferua si mësuese e thjeshtë në shkollën e mesme “Naim Frashëri.
Mësuesja e matematikës Doriana Daci u transferua në shkollën e fshatit Shënavlash të Rrashbullit.
Mësuesja e matematikës Mira Qesja u transferua në shkollën e mesme të përgjithshme “Olsi Lasku” në Shkozet.
Mësuesja e fizikës Eda Kacmoli u transferua në shkollën nëntëvjeçare “Nënë Tereza”.
Dy mësuese të gjuhëve të huaja, anglisht dhe frëngjisht, po ashtu u larguan nga shkolla “Leonik Tomeo”.
“Tërmeti” pritet të pasohet nga “cunami” edhe në shkollat e tjera të mesme dhe nëntëvjeçare nën juridiksionin e DAR-it Durrës.
Në këtë kontekst përmendim se arsimtarja veterane dhe mjaft e kualifikuar, Teuta Canaj, u lirua nga detyra e drejtores së shkollës së mesme të përgjithshme “Olsi Lasku” dhe u kalua nëndrejtore në shkollën “Naim Frashri”.
/gje. th. agjencia e lajmeve “Dyrrah”/
