Tregu i improvizuar agroushqimor tek Fusha e Rërës në Durrës është braktisur tërësisht nga tregtarët e fruta perimeve.
Bankinat që u vendosën muaj më parë ndodhen të hedhura përgjatë gjithë gjatësisë së fushës.
Në muajin korrik 2021, tregtarët kundërshtuan zhvendosjen, pasi tregu i improvizuar ishte larg qendrës së qytetit.
Realiteti që të ofron sot kjo fushë dëshmon se zgjidhja e ofruar nga autoritetet lokale nuk u mbështet nga shitësit.
Rikonstruksioni i markatës nuk ka përfunduar ende, ndërsa tregtarët ushtrojnë aktivitetin ku të munden.
Punimet nisën në datë 12 korrik dhe duhet të përmbylleshin brenda 112 ditëve.
Sipas bashkisë, shtyrja e afatit të përfundimit të rikonstruksionit ka ndodhur për disa arsye.
Evidentimi i një shtrese betoni gjatë gërmimeve dhe problemet e pronësisë kanë shkaktuar vonesat.
Tregtarët ende nuk dinë afatin konkret se kur do të përfundojë rikonstruksioni i markatës.
M.B.